1418. Februar 19. Czarnowanz

Reverendissimo in Cristo patri ac domino domino Supremo . . Premonstrat. Albertus Prior, Mathias Bauari, Johannes Damiani, fratres de Wratislauia, Anna Priorissa, Bronislaua Subpriorissa, Elizabeth Circatrix, Elizabeth Kandzerzawka, Agnes Swertsowna, Korckwicz, Katherina Succentrix, Offka Cantrix, Barbara Custrix, Hedwigis de Odra, Margaretha Korkevicz, Katherina Succentrix, Margaretha Subcustrix, Agnes Pnyowka, Dorothea Wozitowka, Zophia Lassoczanka, Margaretha Mroczkowna, Katherina Bochenkowna, omnes et singule, Totusque Conventus Monasterii in Tscharnowans, vestri humiles filii et filie, obedienciam promtam cum oracionibus devotis. Cum propter diutinam Ecclesie in Tscharnowans vacacionem alias Domus dei Pastoris solacio destitute gravia in spiritualibus et temporalibus dispendia paciatur, conditores canonum deliberacione previa statuerunt quod ultra tres menses vacare non debeant Ecclesie Kathedrales nec Regulares. Defuncto igitur Anno domini M° cccc° xviij die xxv mensis Februarii bone memorie religioso viro Petro Borg nostri monasterii predicti preposito, et ipsius cum reverencia in dicta Ecclesia tradito Ecclesiastice corpore sepulture, ne ipsa Ecclesia viduitatis sue Incomoda diucius deploraret, Fuit a nobis omnibus et singulis de futuri pastoris Eleccione celebranda, qui potuerunt, interesse, Missa sancti spiritus in dicta Ecclesia prius sollempniter decantata eiusdemque gracia innotata (lies: invocata) nullo atque nulla earum discrepante nec contradicente omnes et singule voce unanimi uno spiritu et concordi consensu consenserunt Supplicaverunt ac postulaverunt Religiosum virum fratrem Franciscum de Sneno Custodem Monasterii S. Vincencii prope Wratisl. professum concanonicum virum utique providum et discretum in sacerdocio constitutum ac de legitimo matrimonio procreatum In spiritualibus et temporalibus plurimum circumspectum In ipsarum verum et legitimum prepositum et dicti Monasterii Domusdei alias Tscharnowans ac pastorem, Eapropter vestre Reverendissime paternitati tam debite quam devote humili voto unanimi Supplicamus, Quatenus eandem Eleccionem sic sollempniter sicque Canonice celebratam dignemini auctoritate vestra confirmare, ut deo auctore nobis et toti conventui nostro preesse valeat utiliter et devote ac prodesse, nosque et alii subditi sub regimine ipsius coram deo possumus salubriter militare. Ceterum ut Reverendissima paternitas vestra cognoscat evidencius vota nostrum omnium in predictis omnibus et singulis concordasse et peticionem huiusmodi existere unanimes et concordes, presens eleccionis decretum vestri Reverendissime paternitati transmittimus iuxa statuta canonica roboratum. Actum et datum in loco Capitulari Monasterii Sanctimonialium Domusdei alias Tscharnowans Ord. Prem. Wrat. dyoc. Sub Anno domini M°cccc°xviij indiccione xi. die vero decima nona Mensis Februarii hora terciarum, Pontificatus Sanctissimi in Cristo patris ac domini nostri d. Martini divina providencia pape quinti anno Coronacionis eius primo Et per Johannem Notarium publicum infrascriptum in formam publicam redegi fecimus et sigilli nostri conventus iussimus communiri, presentibus discreto nobili et honestis viris domino Wencesslao plebano in Zchelazna, Jacobo alias Jacussio Rockica herede in Chotors, Jacobo Gerlaci de Legnicz et Bartussio Kyschel de Opol Wrat. dioc. testibus ad premissa vocatis et rogatis. Signum Notarii. Et ego Johannes quondam Pauli de Sternadlicz Clericus coniugatus Wrat. dioc. etc. Arduis prepeditus negociis per alium predicta ingrossare procuravi, Signoque etc.

Buchstäblich nach dem sehr nachlässig und fehlerheft geschriebenen Original.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.